Sjálfbær skuldastaða

Sjálfbær skuldastaða á þessu verkefni.

Hvað næst? Þriggja milljóna króna íbúðir við Vindakór auglýstar til sölu. Tilbúnar undir tréverk. Íbúðalánasjóður. Ætli ekki. Það stendur eftir 868 milljóna króna skuld og bætist það í hinn stóra pott skuldageðveikinnar sem aldrei mun innheimtast, ef marka má fréttaflutning og raunveruleikann.

Bauð upp 44 íbúðir við Vindakór á 40 mínútum

Réttir

Lítur svolítið út eins og vel skipulagðar réttir.

Allir fá sitt.

 

Bardot vill stöðva grindadráp

X-D og X-B áberandi

X-D og X-B áberandi í þessari upptalningu. Engin tilviljun að stjórnarherrarnir sjálfir séu tengdastir fjármálakerfinu á þennan hátt. Bankarnir styrkja flokkana og lána stjórnmálamönnum og mökum þeirra. Slík hagsmunatengsl koma því miður í veg fyrir aðhald og aðgerðir stjórnvalda til að hægja á dansinum í kring um gullkálfinn.

Þingmenn tengdir milljarða lánum

Pálmi, Glitnir, Stefnan, Express og Eftirlit í heimalandinu, hmmm

Ekki gat Vilhjálmur annað gert t.a.m. í ljósi:

-Stefnu skilanefndar Glitnis á hendur Pálma & Co

-Bankahrunsins

-Rekstrarleyfis Iceland Express

-Og kerfisgalla íslenska ríkisins sem leyfa ýmislegt það sem ætti að vera ólöglegt.

Gamalt dæmi: „Það að „fljúga á flugrekstrarleyfi" breska leiguflugfélagsins Astraeus í reglubundnu áætlunarflugi ber keim af því að koma sér undan eftirliti í heimalandi með því að fljúga í öðru landi. Þetta var þekkt meðal fjármálafyrirtækja þar sem til þess var ætlast að eftirlitið væri á vegum yfirvalda í heimalandi en var í raun hvergi og hagnast með því á reglugerðarósamræmi.“ -VB í www.vb.is

Hringir þetta kunnuglegum bjöllum?

Sjá:

http://www.vb.is/frett/1/59400/vilhjalmur-um-iceland-express-arid-2003--flugfelag-eda-ferdaskrifstofa-eda-bara-froda

Og fyrir þá sem nenna að lesa stefnuna á hendur eigendum, þmt Jóni Ásgeiri, Pálma í Fons og stjórnendum Glitnis er ávöxturinn upplýsandi. Erfitt að sjá hvernig þetta geti verið annað en saknæmt:

Lesið stefnuna með tilvitnunum í mjög svo reffilega tölvupósta þeirra félaga til Lárusar Welding & Co í neðsta linknum hér:

http://www.pressan.is/Frettir/LesaFrett/beittu-adaleigendur-ahrifum-sinum-pressan-birtir-stefnuna-a-hendur-glitnismonnum

Bestu kveðjur,

T

Afþakkaði gjafabréf í Útsvari

Megas um kattasálfræði

Ábyrgðin er fyrst og fremst Alþingis. Það kusum við öll og það á að stjórna.

Hvort sem þingmönnum líkar betur eða verr eru þeir á okkar kostnað við að stjórna ríkinu. Til hvers þurfum við stjórn vs. stjórnarandstöðu á þessum tímum, eða bara yfirleitt? 51% að róa áfram en 49% afturábak? Ekki góður leikur í ólgusjó. Það virðist ansi tímafrekt og ófullkomið kerfi þó vissulega skapi það ákveðið framboð af fréttum og um leið umfjöllun fyrir stjórnmálamenn á atkvæðaveiðum. Þetta kallar líffræðin samlífi og slíku er alltaf erfitt að breyta þegar um tvo valdamikla hópa í samfélaginu eru að ræða. Í þessu tilfelli stjórn ríkisins og fjölmiðlana.

Stóri flokkurinn skiptir um lítinn flokk til að vinna með samkvæmt stjórnarskrá, hvað er nú það? Raunverulegt lýðræði snýst ekki um að meirihlutinn ráði og að meirihlutanum sé skipt út regulega. Það er mjög kaflaskipt og ófullkomið lýðræði. 

Við þurfum að láta liðið stjórna í takt og vinna landinu gagn. Þrátt fyrir allar stjórnmálastefnur hlýtur góður stjórnandi að geta búið til góða bylgju fyrir góðum hlutum á meðal allra þingmanna, og það fyrir okkur öll.

Ef einhverjir eru kettir, þá dugar ekki að smala þeim, heldur er best að athuga kattasálfræðina, hvernig eiga á við ketti. Að heimta bara smalanlegri ketti er meiriháttar hugsanavilla sem kemur upp um leynda drauma um 1) Ægivald og 2) Þöggunartímabil Flokksleiðtoganna á Íslandi. Guð forði okkur frá því að það verði á ný.

Megas lýsti þessu best um árið þegar ég spurði hann hvað honum fyndist um ketti:

"Ég hef engan sérstakan áhuga á köttum, en kettir virðast hafa mikinn áhuga á mér. Ég held að það sé vegna þess að ég er ekki að eltast við þá, heldur sýni ég þeim góðlátlegt afskiptaleysi."

Það er önnur saga en mér skilst að þetta lífsviðhorf virki líka best fyrir karlmenn í konuleit.

Góðar stundir,

 T

Dýrkeypt leit að köttum

Íslendingar, í hengingarólarnar!

Allir saman nú, Icesave eða ekki, þetta snýst um einkaskuldir gerðar að skuldum okkar allra, og af skuldum höfum við nóg. Leyfum því einkafyrirtækjum (munið hf - takmörkuð ábyrgð) að rugla í sínum eigin málum en ekki láta þau rugla um of í okkar eigin málum.)

 

Í norður og niðurfallið með alla þessa vitleysu um að skólar og spítalar og skattar fari til fjandans til út af því að bankamenn flippuðu á sex ára miða sem var tekinn að láni hvort eð er.

 

Hér eru ríkisbrestir á ferðinni og aðrir sviku en við sjálf, því tökum við enga ábyrgð á svindli annarra. Enginn heilvita maður myndi gera slíkt nema sá hinn sami væri sýktur af sýktu kerfi og það er 99 % fólks alls ekki, heldur bara venjulegt fólk.

Takk fyrir og gangi ykkur vel,

Teitur

 

Funda mögulega á morgun

Fellum kerfið

Gæti nokkuð verið göfugra, þegar kerfið vill fella okkur?

Spillingin er vaðandi og freyðir rétt á yfirborðinu, er nú nema von að fólki ofbjóði?

Megum við benda á þær staðreynd að nú, og kannski í fyrsta sinn í langan tíma, gæti litla Ísland haft einhver áhrif á veraldarsöguna?

Í krafti fullveldis fólksins í elsta lýðveldi Evrópu, í boði forseta Íslands?

Spurningarmerki? já,

Því stjórnmálamenn (stjórnmálamaður: manneskja sem vill ná völdum, halda þeim og auka þau sér og sínum til hagsbóta) munu gera hvað sem er til að koma í veg fyrir slíka aðgerð. Stjórnmálamenn í öllum löndum sameinist!

Stjórnmálamenn eru hluti af kerfinu og munu eðli málsins samkvæmt gera allt til að vernda kerfið og þar með sjálfa sig.

Engin þjóðaratkvæðargreiðsla: auðvitað, varla verður hún

Sú niðurstaða verður þá fyrst og fremst hvatning til að halda áfram

og fella kerfið

því nýs er þörf

Teitur

74% gegn Icesave-lögum

Verkföll og ótti

Er ekki hagfræðin yndisleg. Frjálsir markaðir stjórnast af verkföllum og ótta. Yndislegt hvað tilfinningar og dyntir mannanna stjórna raunpólítíkinni. Hin eina sanna realpolitik felur nefnilega í sér idealisma. Það sem sumir kalla þversögn er veruleikinn. Það er gott því það er satt.

 

Teitur

Olíuverð hækkar enn

TM eða Vörður?

Annaðhvort TM eða Vörður ef dæma má af sögu, eignarhaldi og "ástandinu". Eiginlega óhugsandi að TM sé ekki í pakkanum eins og Sjóvá. Líður samt einhvernveginn þannig að Vörður sé meira clean, kannski af því að það kemur upphaflega frá Akureyri, eða hvað? TM er stærra, verið hluti af valdabaráttunni 2002-2008 og því líklega í súpunni. Gangi ykkur vel.

 

Teitur

Ekki gerð athugasemd við VÍS

Sjálfbærni og viðskipti

Vilhjálmur Þorsteinsson setur fram góða greiningu á geðveikinni sem stýrði viðskiptalífinu að miklu leyti árin sex frá 2002-2008 hér:Sjálfbærnina vantaði í viðskiptalífið

Samtímis beinir hann sjónum sínum að því hvað vantaði í viðskiptalífið á þessum árum og hvað þarf að að vera leiðarljós jafnt í rekstri fyrirtækja og lífstíl fólks til að allt sigli ekki í strand fyrr eða síðar.

Hugtakið sjálfbærni er afar einfalt í sjálfu sér, eins og Vilhjálmur lýsir vel, en þar sem það er tiiltölulega nýtt og ofurtengt umhverfismálum eingöngu í huga flestra virðist sem svo að flestir einfaldlega skilji ekki um hvað það snýst.

Fyrstu alþjóðlegu stórfyrirtækin -og góðir bændur eða sjoppueigendur ef því er að skipta- sem hafa sett sjálfbærni á oddinn í sínum viðskiptaháttum skilja það að þetta er eina leiðin og hún byggir á hugsuninni: "Ætlum við að vera í bransanum eftir hundrað ár eða tvöhundruð?" Svarið er já, svarið er sjálfbærni.

Kannski fancy orð fyrir einfalda hugmyndafræði, en það skilja allir að þú klárar ekki auðlindir eyjunnar og fyllir allt af rusli og situr svo eftir með sárt ennið. Svona eins og sex ára ævintýrið 2002-2008 er gott dæmi um. Það sem þú gerir verður að virka, og halda áfram að virka, annars er betra að sitja heima og lesa.

Það er svo athyglisvert að hamingjan og sjálfbærnin eru sama eðlis. Að hámarka skammtímahag og langtímahag samtímis. Í einkalífi hvers og eins jafnt sem plánetunnar.

Það er góður búskapur.

Að lokum vil ég benda á grein sem birtist í Harvard Business Review síðastliðið haust. Þar er talað um hvernig aukin áhersla á sjálfbærni í rekstri fyrirtækja felur í sér nýsköpun í vörum og þjónustu og byrjar greinin á ekki minni yfirlýsingu en þessari: "There’s no alternative to sustainable development."

Why Sustainability Is Now the Key Driver of Innovation

 

Teitur